Exercice de traduction du texte écrit en langue Yemba (Dschang) en français et en anglais

 Exercice : Traduit le texte écrit en langue Yemba ici dessous en français et en anglais.

Anɛ lenáŋ mbɔ́ŋɔ ŋgɔ̄ ntente pɔ́ menu ndem akɔ tɔ́k tɛ amɔ' pate e?

Meŋ ea zhɛ́ ŋgɛ epuɔ te nzane jʉ́ɔ ŋgɛ ndem me ea le pɔ́ ŋgɔŋ mbíŋ mbu mbɔ́ tembɔɔ akʉɛkʉɛ. tɛta' ŋiŋ ke mbíŋ ŋkó zi á ŋgɔŋ egaa pa'a nzɛte yi lezí me akɔ ɔ? 

epuɔ pɔ́ŋte wɔp letrá le jú' mbɔ́ŋɔ te ŋkwáŋte ndem keɛ azɛte wɔp le zí lefá' ndem te mbíŋ ŋgʉ́ɔ nfá' wɔp lenáŋ mbɔ́ŋɔ ɔ? 

Meŋ ɛ-si nzhɛ́ɛ ŋgɛ mekritɛn aé lʉ́ ŋgɛ ndem tɔ́k tɛ akʉɛkʉɛ tɔ́k ŋgɛ yi me pu ŋgwɛ́ akʉɛkʉɛ mbɔɔ lenáŋa tsɔmpɛ. Ndi nɔŋɔ nzáŋa ŋiŋ a zí pɔ́ ndem ndɔ́ yi azo ezi a aé pfɛ́t keɛ a gʉ́ɔ ŋgók ndɔk nfá' azo ezi a aé pfɛ́t ei ? 

nfhopup , ŋiŋ nɔŋɔ ŋgɔ́ɔ nzí yi leghʉ́ apriya lelɔk ntə́ keɛ nfá' ŋkap ndɔk ŋgʉ́ɔ mbɛ́t nnɛt zi i ? 

ndi te pup-ɔ mbɔ o nɔŋɔ ŋkɔ̄ŋɔ azo ndɔ́ ámbu ndem a yíɛ ámbu wu keɛ o nɔŋɔ ŋkɔ̄ŋɔ azo ŋgʉ́ɔ ŋgók te ndɔk ŋgwɛ́ ɛ?

meŋ egaa njʉ́ɔɔ agɔɔ mbɔ o nɔŋɔ ŋkɔ̄ŋɔ tembɔ akɔlɛ ndɛ ŋgʉ́ɔ ŋgók te ŋgwɛ́. Ndem me ea le pɔ́ wɔmpɛ metsem yi me pu mbɔ́ tembɔ akɔlɛ, mbíŋ ntshí awʉɛwʉɛ ŋgathu yi.

 Akʉɛkʉɛ píŋ mbu ŋgɔ̄ te ŋgɔyi o gɔ́-te trá lejú' mbɔ́ŋɔ-ɔ, nsáŋ-aa anɛ ndem mbɔ o pí-ii njhʉ́ ju. Emɔ epuɔ gɛ́ɛ tswíte nnɛt ju ndem tswíte wu. tɛ me gɔ́-le zɛ ndɔk nfho pup ŋgɛ lewʉɛwʉɛ letrá lenáŋ ŋgɔŋ mbɔŋ mbíŋ njú' mbɔ́ŋɔ tɔ́k tɛ menu ndem pate lɛ ?

Akɔ me zi i ? 

Exercice de traduction dans la langue Yemba (Dschang)

 Exercice : Traduit en Français et en anglais le texte écrits en Yemba ici dessous : 

Me fá' ŋkap mela'akɔ ɔ?

Tɛ me gɔ́ gɛ́ ŋgáŋ ŋkáp eyi a eɛgɔ nzwíkɛ zi-ii metsiak nzho a eɛ ŋgáŋ ŋkap ei ?

Tɛ me gɔ́ gɛ́ ŋiŋ eyi azoɔ zi eɛwu, mbɔ a eɛgɔ mbíŋɛ mbu te mpfɛ́tɛ azo mbɔ́ŋ-ɔ, a eɛ ŋgáŋ ŋkap ei ?

Tɛ me gɔ́ gɛ́ ŋgáŋ ŋkap eyi a náŋ anɛ atsiaka ŋgya a eɛ ŋgáŋ ŋkap ei ?

Tɛ me gɔ́ gɛ́ ŋgáŋ azo eyi a wɛ́ akiaka mɛtua a eɛ ŋgáŋ azo o ?

Tɛ me gɔ́ gɛ́ ŋiŋ eyi a wɛ́ ŋkap ewɔŋkhʉ pi paa epɔ memia pi píŋ ŋgɔwu njʉ́ɔɔ ŋgʉ́ɔ' a eɛ ŋgáŋ ŋkap ei ?

Tɛ me gɔ́ gɛ́ ŋiŋ eyi a wɛ́ azo, mbíŋ ŋgʉ́ɔ ŋkwɛ́t mba zi ántə ntshi, ántə avɔp, ŋiŋ wuɔ mɛt a wɛ́ ŋkap ei ?

ŋgáŋ azo eyi a ea le kwɛ́t mba zi pɔ́ afemne a eɛ ŋgáŋ azo kwa'kwa' ei ?

epɔ memia lewɛ́ ŋkap eɛ-si ndɔkɔ ŋgɔɔ lewɛ́ ela a?

Tɛ me pu ŋgɔ̄ apɛ egaa nfá'a ŋkap eɛ-ɛɛ mela'akɔ ɔ?